Զեկույցի գրախոսումը և գիտաժողովին մասնակցության թույլատրումը

Ներկայացված զեկույցների գրախոսության արդյունքների և գիտաժողովին մասնակցության թույլատրվելու վերաբերյալ գիտաժողովի դիմորդները կտեղեկացվեն պատասխան նամակով, որը կուղարկվի հայտում նշված էլեկտրոնային հասցեին։ Լրամշակման կարիք ունեցող զեկույցների դիմորդներին հնարավորություն կտրվի սեղմ ժամկետներում կատարել առաջարկվող փոփոխությունները, որից հետո միայն նրանց հնարավորություն կընձեռվի մասնակցել գիտաժողովին։  

Զեկույցի բովանդակությանը և կառուցվածքին ներկայացվող պահանջները

Գիտաժողովին ներկայացվող զեկույցն իր բովանդակությամբ պետք է արտացոլի հեղինակի կողմից կատարած ինքնուրույն հետազոտության արդյունքները և պարունակի գիտականորեն ընդունված ձևակերպումներ:

Զեկույցի բովանդակային պահանջներն են՝

• համառոտագիր (մինչև 100 բառ),

• հիմնաբառեր (4-6 բառ),

• ներածություն,

• գրականության ակնարկ,

• մեթոդաբանություն,

• հետազոտության արդյունքներ և քննարկում,

• եզրակացություն,

• օգտագործված գրականության ցանկ,

• հավելվածներ (եթե առկա են):

Զեկույցի տեխնիկական պահանջներն են՝

• զեկույցի լեզուն՝ հայերեն,

• հղումները տրվում են տողատակում՝ աճման կարգով, տառաչափը՝ 10, միջտողային հեռավորությունը՝ 1.0, նշվում է աղբյուրի հեղինակը (թավ), վերնագիրը, հատորը, հրատարակության տեղը, տարեթիվը (մամուլի դեպքում` նաև համարը) և էջը,

• տեքստի լուսանցքները՝ վերև - 25 մմ, ներքև - 25 մմ, աջ - 25 մմ, ձախ - 20 մմ,

• տեքստի տառատեսակը՝ GHEA Grapalat (ռուսերենի և անգլերենի դեպքում տառատեսակը՝ Times New Roman), միջտողային հեռավորությունը՝ 1.5, հիմնական տառաչափը՝ 12,

• hոդվածի ծավալը՝ մինչև 2500 բառ (7-10 էջ):

Զեկույցը պետք է ունենա հետևյալ կառուցվածքը՝

• սկզբում՝ վերնագիրը (գլխատառերով),

• հաջորդ տողում՝ հեղինակի անուն-ազգանունը (գլխատառերով), ֆակուլտետ, մասնագիտություն և կուրս, էլ. հասցե, հեռ. համար,

• հաջորդ տողում՝ համառոտագիր (հայերեն, ռուսերեն, անգլերեն) և հիմնաբառեր,

• հաջորդիվ՝ ներածություն, գրականության ակնարկ, մեթոդաբանություն, հետազոտության արդյունքներ և քննարկում, եզրակացություն,

• օգտագործված գրականության ցանկ,

• հավելվածներ (եթե առկա են)։